ፋሲል ከነማ በአፍሪካ ኮንፌዴሬሽን ዋንጫ የመልስ ጨዋታውን ለማድረግ ዳሬ ሰላም ገብቷል – ዘ-ሐበሻ (ZeHabesha): Latest Ethiopian News and Point of View 24/7

ፋሲል ከነማ በአፍሪካ ኮንፌዴሬሽን ዋንጫ የመልስ ጨዋታውን ለማድረግ ዳሬ ሰላም ገብቷል

1 min read

ቡድኑ ዳሬ ሰላም ሲደርስ በታንዛኒያ የኢትዮጵያ አምባሳደር ዮናስ ዮሴፍ እና ሌሎች አካላት አቀባበል አድርገውላቸዋል፡፡

የኢትዮጵያ ዋንጫ አሸናፊ በመሆን በአፍሪካ ኮንፌዴሬሽን ዋንጫ እየተሳተፈ የሚገኘው ፋሲል ከነማ የመጀመሪያውን የማጣሪያ ጨዋታ በባህርዳር አለማቀፍ ስታዲየም አዛምን 1ለ 0 ማሸነፉ የሚታወስ ነው፡፡

ነሃሴ 18 የመልሱ ጨዋታ ዳሬ ሰላም ላይ ከአዛም ጋር የሚያደርገው ፋሲል ከነማ ለጨዋታው በአዲስ አበባና ባህርዳር ልምምድ ሲያደርግ ቆይቷል፡፡

በዚህ ጨዋታ ላይ ቡድኑ ባህርዳር ላይ ያደረገውን ጨዋታ አሸናፊ ያደረገውን ግብ ያስቆጠረው በዛብህ መለዮ በመልሱ በጉዳት ምክንያት ጨዋታ አይሰለፍም፡፡

በሌላ በኩል በባለፈው ጨዋታ ጉዳት አጋጥሞት ከሜዳ የወጣው ግብ ጠባቂው ሚካኤል ሳማኪ ከጉዳቱ በማገገሙ ተሰላፊ ይሆናል ተብሏል፡፡

@AmharaSport