የለንደን ማራቶን በቀነኒሳ እና በኪፕቾጌ መካከል ሊካሄድ ነው – ዘ-ሐበሻ (ZeHabesha): Latest Ethiopian News and Point of View 24/7

የለንደን ማራቶን በቀነኒሳ እና በኪፕቾጌ መካከል ሊካሄድ ነው

1 min read
ዓለም በጉጉት የሚጠብቀው የለንደን ማራቶን በቀነኒሳ በቀለ እና በኬኒያዊው ኤሊውድ ኪፕቾጌ መካከል ጥቅምት 4 (እ.አ.አ) ይደረጋል።
በዚህም ሁለቱ አትሌቶች የዓለም የማራቶን ክብረወሰንን ለማሻሻል የሚያደርጉት አልህ አስጨራሽ ፉክክር ተጠባቂ ነው፡፡
ኬንያዊው ኤሉድ ኪፕቾጌ እኤአ 2018 በርሊን ላይ (2:01:39 )በማስመዝገብ አዲስ የዓለም ክብረ ወሰን አስምግቦ እንደነበር ይታወሳል፡፡
ቀነኒሳ በቀለ ደግሞ በርሊን ማራቶን ላይ ( 2:01:41) በመግባት የኪፕቾጌን ክብረወሰን ለሁለት ሰከንድ ሳያሻሽል በመቅረቱ ሁለትኛው ፈጣኑ የማራቶን ሰዓት ባለቤት ነው፡፡
የሦስት ጊዜ የኦሎምፒክ ሻምፒዮኑ ቀነኒሳ በቀለ በለንደን ግማሽ ማራቶን 1፡00፡22 በማጠናቀቅ ቀደም ብሎ በሞ ፋራህ ተይዞ የነበረውን የቦታውን ክብረ ወሰን ማሻሻሉ ይታወሳል።
በውድድሩ አሸናፊ ለሚሆነው 313 ሺህ ዶላር ለሽልማት መዘጋጀቱ መነገሩን ኢዜአ ዘግቧል።
የለንደን ማራቶን ውድድር ባለፈው ሚያዝያ ወር ቀነ ቀጠሮ ተይዞለት የነበረ ቢሆንም በኮሮና ቫይረስ ምክንያት ተራዝሟል፡፡
በዚህ ውድድር ከ 40 ሺህ ሰው በላይ የሚሳተፍ የነበረ ቢሆንም በወረርሽኙ ምክንያት ታዋቂ አትሌቶች ብቻ እንደሚሳተፉ የለንደን ማራቶን አዘጋጆች ገልፀዋል፡፡
አብመድ

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.