ሰው መሆን ይበቃል (ዘ-ጌርሣም) – ዘ-ሐበሻ (ZeHabesha): Latest Ethiopian News and Point of View 24/7

ሰው መሆን ይበቃል (ዘ-ጌርሣም)

1 min read

ህይወት ተገብሮ
ከአገሩ ተባርሮ
የአገር ሀብት ጨምሮ
በግፍ ተመዝብሮ
ለስደት ተዳርጎ
በአራዊት ተበልቶ
እንደ እንስሳ ታርዶ
ሳምባ ኩላሊቱ ሆድ እቃው ተሽጦ
ባሀር ውስጥ ሰጥሞ
ግፍን አጣጥሞ
በጉልበታም ዱላ አከላቱን አጥቶ
አንገቱ ተቀልቶ
የተገኘውን ለውጥ አብሮ ለመደገፍ
ሰው መሆን ይበቃል አለያም ዞር ማለት
ከመሆን አንቅፋት
ሌሎች እንዲጓዙ በአንድ ላይ የቆሙት
ዶክተር ፕሮፌሰር
ጀኔራል ኢንጅኔር
ሌላም ሌላም መባል
ሆድ ሲያውቅ ዶሮ ማታ እራስን ማታለል
ትርጉምም የላቸው
ቅንነት ያዘለ ዕውነት ከሌላቸው
ቅን መሆን ይበልጣል
እራስን ከመውቀስ ከፀፀት ያድናል
አብሮ ለመሻገር ግቡ ላይ ለመድረስ
የጠፋውን ጊዜ በልማት ነው መካስ
የተገኘውን ለውጥ አብሮ ለመደገፍ
እጅና ጓንት ሆኖ ውጤቱን ለማግዘፍ
ሰው መሆን ይበቃል አለያም ዞር ማለት
ከመሆን እንቅፋት
ሌሎች አንዲጓዙ በአንድ ላይ የቆሙት
ዞር ብሎ አለማየት
መውቀስ አለመቻል አራስን በፀፀት
ያስከፍላል ዋጋ ለትውልድ የሚተርፍ
መሸከም አቅቶት ሞልቶ ሲፈስ ግፍ
ይቅር የሁዋላችን
እንይ የፊታችን
ይቅርታን እናድንቅ
ፍቅርን እንሰንቅ
ከሌሎች እንማር
ደግ ደጉን ነገር
ወድቀን ከምንቀር
ወንዙን ሳንሻገር
ምስጢሩ ቀላል ነው
በደንብ ካስተዋልነው
ሰው መሆን ይበቃል አልያም ዞር ማለት
ከመሆን እንቅፋት
ሌሎች እንዲጓዙ በአንድ ላይ የቆሙት

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.