አቶ ልደቱን የኦሮሚያ ፖሊስ ኮሚሽን ከእስር እንዲፈታቸው ፍርድ ቤት አዘዘ | ዘ-ሐበሻ: Latest Ethiopian News and Point of View 24/7

አቶ ልደቱን የኦሮሚያ ፖሊስ ኮሚሽን ከእስር እንዲፈታቸው ፍርድ ቤት አዘዘ

1 min read
1

አቶ ልደቱ አያሌው በተሰጣቸው ቀጠሮ መሰረት ዛሬ ጥቅምት 05 ቀን 2013 ዓ.ም በአዳማ ምስራቅ ሸዋ ዞን ከፍተኛ ፍርድ ቤት ቀርበው በተከሰሱበት ህገወጥ የጦር መሳሪያ ይዞ መገኘት ወንጀል ሶስት የዐቃቤ ህግ ምስክሮች የምስክር ቃላቸው ተሰምቷል፡፡

ፍርድ ቤቱም የሰማውን ምስክርነት መርምሮ ብይን ለመስጠት ለጥቅምት 9 ቀን 2013 ዓ.ም ተለዋጭ ቀጠሮ ሰጥቷል፡፡

አቶ ልደቱ የተፈቀደላቸው የ100 ሺህ ብር ዋስትናን ተከትሎ ለምን እንዳልተፈቱ የጠየቀ ሲሆን የቢሾፍቱ ፖሊስ ሃላፊ ቀርቦ እንዲያብራራ የታዘዘውን ትዕዛዝም ፍርድ ቤቱ ተመልክቷል። ፍርድ ቤት አቶ ልደቱ ዋስትናቸው ተከብሮ ከእስር እንዲለቀቁ በተደጋጋሚ ትዕዛዝ ቢሰጥም የቢሾፍቱ ፖሊስ የፍርድ ቤቱን ትዕዛዝ አክብሮ እስካሁንም ሊፈታቸው አልቻለም፡፡

ዛሬ ፍርድ ቤት ቀርቦ ማብራሪያ እንዲሰጥ በተሰጠው ትዕዛዝ መሰረትም የቢሾፍቱ ፖሊስ መምሪያ ሃላፊ ተቀይሯል መባሉን ተከትሎ ተወካይ ወይም የክፍል ሃላፊ በቀጣይ ቀጠሮ ቀርበው እንዲያብራሩም ትዕዛዝ ሰጥቷል ሲል ኤፍቢሲ ዘግቧል፡፡

በህገወጥ ጦር መሳሪያ ይዞ መገኘት ክስ በተፈቀደላቸው የ100 ሺህ ብር ዋስትና መሰረት የኦሮሚያ ፖሊስ ኮሚሽን ከእስር እንዲፈታቸውም ፍርድ ቤቱ አዟል።

አል-ዐይን

1 Comment

  1. ኢትዮጵያ ውስጥ ህግ የሚባል ነገር አለመኖሩን የሚያረጋግጥ ዋንኛ ምሳሌ ይሄ ሰውዬ ነው፡፡ ፓሊስ የራሱ መንግሥት ነው ፍርድ ቤቱ አራት ኪሎ ላለው መንግሥት ቡችላ ነው፡፡
    ኧረ ህጉን አሻሽሉት! የህጻናት እቃ እቃ ጨዋታ በጨዋታቸው እንኳን የተሻለ ያልተጻፈ ህግ አላቸው፡፡ አንዳንዴም ሰው ስልሆንክ ብቻ የሚጠብቅብቅህ አስተሳሰስብ አለ አሁን የሚታየው የእንሰሳ መንጋ የተጠራቀመበት የከብት ስብስብ ነው ከላይ እስከታች፡፡
    ወይ ለብቃታችው ፊደል ለመቁጠራቸው ማስረጃ ያስዩን፡፡

ሀሃሳብ እና አስተያትዎን ይስጡ

Your email address will not be published.

This site uses Akismet to reduce spam. Learn how your comment data is processed.